MARIE de France, Le Forgeron et la Cognée

Dou Fevres qui fist une Coingnie

Uns Fevres fist une cuigniée
Dure, et tranchant, et bien forgiée ;
Mais ne s'en pooit pas aidier,
Ne nule rien de li trenchier
Desci qu'ele fust enmanchiée,
E d'aucun Fust apareilliée.
Au Bois ala pur demender
A chascun Fust k'il pot trover
Auquel il li loent entendre,
Douquel il péust Menche prendre.
E quant ensanle orent parlé,
Communalment li unt loé
Que il preingne la noire Espigne,
Que neis l'escorche et la racine,
Est mult très-fors à dépicier,
De li l'a puet bien enmenchier.
Li Fevres ad lor cunseil creu,
Car il ne l'unt mie deceu ;
De l'Espine a le Menche priz,
Si l'a en la Cuingniée assiz,
A méismes cele Cuigniée
A puis l'Espigne detrenchiée ;
Mau-guerredon l'en a rendu
Qui de li ot sun Menche éu.

MORALITÉ

Tut autresi est du Malvès,
Du Felun Humme et de l'Engrès ;
Qant un Preudons les met avant,
E par lui est riche et manant,
Se il puet melx faire de lui
Tuz-jurs li funt hunte et anui,
A celui funt-il tot le pis,
Qui plus les a au dessuz mis.

Traduction de Françoise Morvan

Le Forgeron et la Cognée

Un forgeron fit sa cognée,
Le fil tranchant, fort bien forgée,
Mais, pas moyen de s'en servir,
Rien à faire, beau la brandir,
Avant d'avoir pu l'emmancher.
Reste donc un manche à chercher.
Il va demander dans le bois
À chacun des arbres qu'il voit
Quel est celui qui conviendrait
Pour tailler un manche parfait.
Les arbres, s'étant consultés,
Disent à l'unanimité
Qu'il faut choisir la noire épine :
Même d'écorce et de racine
Elle est difficile à briser.
C'est ce qu'il faut pour sa cognée.
Le forgeron leur obéit
Et la branche, ils n'ont pas menti,
Par l'épine lui est donnée.
Sitôt la cognée emmanchée,
D'un coup d'un seul, le forgeron
Abat l'infortuné buisson.
Et ce fut là tout son merci
Pour le manche qu'il avait pris.

C'est justement ainsi que font
Les mauvaises gens, les félons :
Qu'un juste leur prête assistance,
Leur donne richesse et puissance,
Dès qu'ils auront pouvoir sur lui,
Ils lui seront source d'ennuis.
Plus il aura pu les servir,
Plus ils essaieront de lui nuire.